1 de Julio
Santa Misa
Preciosísima Sangre
De Nuestro Señor Jesucristo
PRETIOSISSIMI SANGUINIS D. N. J. C.
IN FESTO
PRETIOSISSIMI SANGUINIS
D. N. J. C.
Duplex I classis
Die 1 Julii
IN FESTO
PRETIOSISSIMI SANGUINIS
D. N. J. C.
Duplex I classis
Introitus. Apoc. 5, 9-10.
Redemísti nos,Dómine,
in sánguine tuo,
ex omni tribu et
lingua et pópulo et
natióne: et fecísti nos Deo nostro
regnum. Ps. 88, 2. Misericórdias
Dómini in ætérnum cantábo: in
generatiónem et generatiónem
annuntiábo veritátem tuam in
ore meo. <. Glória Patri.
¶ In Missis votivis omittantur in sequenti
Oratione verba sollémni cultu.
Oratio. Omnípotens sempitérne
Deus, qui unigénitum
Fílium tuum mundi Redemptórem
constituísti, ac ejus Sánguine
placári voluísti: concéde,
quǽsumus, salútis nostræ prétium
sollémni cultu ita venerári,
atque a præséntis vitæ malis
ejus virtúte deféndi in terris;
ut fructu perpétuo lætémur in
coelis. Per eúndem Dóminum.
Et fit Commemoratio diei Octavæ S.
Joannis 000.
Léctio Epístolæ beáti Pauli
Apóstoli ad Hebrǽos.
Hebr. 9, 11-15. Fratres: Christus assístens
Póntifex futurórum bonórum,
per ámplius et perféctius
tabernáculum non manufáctum,
id est, non hujus creatiónis: neque
per sánguinem hircórum
aut vitulórum, sed per próprium
sánguinem introívit semel
in Sancta, ætérna redemptióne
invénta. Si enim sanguis hircórum
et taurórum et cinis vítulæ
aspérsus inquinátos sanctíficat
ad emundatiónem carnis: quanto
magis sanguis Christi, qui
per Spíritum Sanctum semetípsum
óbtulit immaculátum
Deo, emundábit consciéntiam
nostram ab opéribus mórtuis,
ad serviéndum Deo vivénti’? Et
ídeo novi Testaménti mediátor
est: ut, morte intercedénte, in
redemptiónem earum prævaricatiónum,
quæ erant sub prióri
Testaménto, repromissiónem accípiant,
qui vocáti sunt ætérnæ
hereditátis, in Christo Jesu, Dómino
nostro.
Graduale. 1. Joann. 5, 6 et 7-8. Hic
est, qui venit per aquam et sánguinem,
Jesus Christus: non
in aqua solum, sed in aqua et
sánguine. <. Tres sunt, qui testimónium
dant in coelo: Pater,
Verbum et Spíritus Sanctus; et
hi tres unum sunt. Et tres sunt,
qui testimónium dant in terra:
Spíritus, aqua et sanguis: et hi
tres unum sunt.
Allelúja, allelúja. <. Ibid., 9. Si
testimónium hóminum accípimus,
testimónium Dei majus
est. Allelúja.
¶ In Missis votivis post Septuagesimam,
omissis Allelúja et Versu sequenti, dicitur:
Tractus. Ephes., 1, 6-8. Gratificávit
nos Deus in dilécto Fílio suo, in
quo habémus redemptiónem
per sánguinem ejus. <. Remissiónem
peccatórum, secúndum
divítias grátiæ ejus, quæ superabundávit
in nobis. <. Rom. 3, 24-
25. Justificáti gratis per grátiam
ipsíus, per redemptiónem, quæ
est in Christo Jesu. <. Quem
propósuit Deus propitiatiónem
per fidem in sánguine ipsíus.
Tempore autem Paschali omittitur Graduale,
et ejus loco dicitur:
Allelúja, allelúja. <. Apoc. 5, 9.
Dignus es, Dómine, accípere
librum, et aperíre signácula
ejus: quóniam occísus es, et
redemísti nos Deo in sánguine
tuo. Allelúja. <. Exodi 12, 13.
Erit autem sanguis vobis in signum:
et vidébo sánguinem, et
transíbo vos: nec erit in vobis
plaga dispérdens. Allelúja.
+ Sequéntia sancti Evangélii
secúndum Joánnem. P
Joann. 19. 30-35. In illo témpore: Cum accepísset
Jesus acétum, dixit:
Consummátum est. Et inclináto
cápite trádidit spíritum. Judǽi
ergo (quóniam Parascéve erat),
ut non remanérent in cruce córpora
sábbato (erat enim magnus
dies ille sábbati), rogavérunt
Pilátum, ut frangeréntur eórum
crura et tolleréntur. Venérunt
ergo mílites: et primi quidem
fregérunt crura et altérius, qui
crucifíxus est cum eo. Ad Jesum
autem cum venissent, ut vidérunt
eum jam mórtuum, non
fregérunt ejus crura, sed unus
mílitum láncea latus ejus apéruit,
et contínuo exívit sanguis
et aqua. Et qui vidit, testimónium
perhíbuit; et verum est
testimónium ejus. Credo.
Offertorium. 1. Cor. 10. 16. Calix
benedictiónis, cui benedícimus,
nonne communicátio sánguinis
Christi est? et panis, quem frángimus,
nonne participátio córporis
Dómini est?
Secreta. Per hæc divína mystéria,
ad novi, quǽsumus, Testaménti
mediatórem Jesum accedámus:
et super altária tua,
Dómine virtútum, aspersiónem
sánguinis mélius loquéntem,
quam Abel, innovémus. Per
eúndem Dóminum.
Et fit Commemoratio diei Octavæ S.
Joannis 000,
Præfatio de Cruce.
Communio. Hebr. 9, 28. Christus
semel oblítus est ad multórum
exhauriénda peccáta: secúndo
sine peccáto apparébit exspectántibus
se in salútem.
Postcommunio. Ad sacram, Dómine, mensam
admíssi, háusimus
aquas in gáudio de fóntibus
Salvatóris: sanguis ejus fiat nobis,
quǽsumus, fons aquæ in
vitam ætérnam saliéntis: Qui
tecum vivit.
Et fit Commemoratio diei Octavæ S.
Joannis 000.
Ortodoxia Católica 